大部份人只會擔心營養過剩導致肥胖問題，大家是否以為貧血不會發生在您身上？事實上，香港紅十字會上月公佈，2014年不合格捐血人士較前年增加近半成，超過一半是因為血紅素不足，俗稱｢唔夠血｣。其實只要您飲食不均衡，已經隨時會墮入貧血危機。今日就教大家如何補血。
貧血帶來的困擾
血紅素是貧血的指標，負責輸送營養給我們全身的細胞。如果男士低過13g/dL，女士低過11.5g/dL，便屬於貧血。貧血一族不但會經常面無血色，指甲凹陷，亦會容易疲倦，提不起勁，集中力下降，手震，心跳快，甚至頭暈，令健康大打折扣。
脫離貧血一族
想每一日都面色紅潤，精神奕奕？大家可以參考一下以下的飲食原則︰
- 補血四大元素
鐵: 身體正常有3500毫克鐵質，是製造血紅素不可或缺的微量元素，是預防貧血的最基礎原料，但鐵質會不斷透過尿液、膽汁、皮膚、腸道及女性的月經等流失。要有效補血，建議可多進食以下食物，但要注意紅肉含較高膽固醇及飽和脂肪，所以一個成年人為例，每天建議進食不超過6兩肉為佳，即是6隻麻雀大小的肉。
維他命B12: 幫助製造正常的紅血球，常見於蜆、蠔、沙甸魚及火雞肉等，但由於只來自動物，所以素食者比較容易缺乏，建議可以多吃穀物早餐補充。
葉酸: 又稱維他命B9，是造血維他命。如果缺乏葉酸，紅血球會異常大但不成熟，所以壽命會較短。豐富來源包括穀物早餐、菠菜、西蘭花、蘆荀、雞心豆和橙等。
維他命C: 膳食纖維會阻礙植物性鐵質吸收，所以建議大家於同餐中可進食含豐富維他命C的奇異果或番石榴，減少鐵質在小腸的鹼性環境中沉澱，幫助吸收。
- 避免同時進食｢減鐵食物｣，包括高植酸、草酸及單寧酸食物。例如大家盡量不要一邊飲咖啡、濃茶、碳酸飲料、啤酒，一邊進食，最好飯後一小時先飲；亦要記住不要一邊食朱古力、花生，一邊食正餐。而菠菜的草酸含量亦較高，大家烹調時可先汆水，可以減少部份草酸。
- 建議以天然食物攝取鐵質，因為鐵丸容易吸收過量，可能會造成便秘問題，甚至會導致血管發炎，長遠還會破壞心臟血管健康。
補鐵好幫手
希望大家從今日開始，做一個有血色，精力充沛的人！